Իսրայելը և Իրանը հայտարարել են փոխադարձ հարվածների մասին
Իսրայելի պաշտպանության բանակը (ԻՊԲ) սկսել է լայնածավալ հարվածների շարք Թեհրանում ենթակառուցվածքներին: Այս մասին Telegram-ում հայտարարություն է տարածել ԻՊԲ մամուլի ծառայությունը։
ԻՊԲ-ն մեկ այլ հաղորդագրության մեջ նշել է Իրանի կողմից Իսրայելի ուղղությամբ հրթիռների արձակման մասին։
Իր հերթին, Իսլամական հեղափոխության պահապանների կորպուսը (ԻՀՊԿ) հայտարարել է, որ Իրանի զինված ուժերը հարվածներ են հասցրել Իսրայելին և տարածաշրջանում ԱՄՆ ռազմական օբյեկտներին:
«Հակամարտության սկզբից ի վեր Իրանի հարձակումների 75-րդ ալիքը թիրախավորել է Իսրայելի տարբեր շրջաններում իսրայելցի զինվորների տեղակայման և ապաստարանների նոր վայրերը», – ասվում է հայտարարության մեջ։
Բացի այդ, ԻՀՊԿ-ն պնդում է, որ բալիստիկ հրթիռներով հարվածների է ենթարկվել «Արքայազն Սուլթան» ավիաբազան, որը գտնվում է Սաուդյան Արաբիայի Ալ Խարջ քաղաքի մերձակայքում։ Վնասների մասին տեղեկատություն չկա:
Հրթիռներ և անօդաչուներ որսալու մասին են հայտարարել նաև Բահրեյնում, Արաբական Միացյալ Էմիրություններում, Սաուդյան Արաբիայում, Քուվեյթում։
