Իսրայելը չի կարող ժամկետներ սահմանել Իրանի հետ հակամարտության ավարտի համար. դեսպան
Իսրայելը չի կարող կանխատեսել, թե երբ կարող է ավարտվել Իրանի հետ հակամարտությունը, հայտարարել է Հնդկաստանում Իսրայելի դեսպան Ռեուվեն Ազարը։
«Մենք ճշգրիտ ժամանակացույց չենք նշում, քանի որ դա կախված է բազմաթիվ գործոններից… Սկզբում և՛ ԱՄՆ-ն, և՛ Իսրայելը հայտարարեցին, որ դա կտևի մի քանի շաբաթ: Իրավիճակը կախված է նաև նրանից, թե արդյոք Իրանը հնարավորություն ունի փոխելու իր կուրսը: Այս պահին, կարծես, նրանք դա չեն անում: Ընդհակառակը, նրանք միայն կոշտացնում են իրենց դիրքորոշումը: Այնուամենայնիվ, իրավիճակը կարող է փոխվել ապագայում: Մենք լսում ենք տարբեր լուրեր Իրանի ղեկավարության ներսում որոշումների կայացման վերաբերյալ տարաձայնությունների մասին: Այսպիսով, այս ամենը կարող է ավելի երկար տևել»,- ասել է նա Դելիում կայացած մամուլի ասուլիսի ժամանակ:
Ազարը նշել է, որ Մերձավոր Արևելքում հակամարտությունը կարող է լուծվել դիվանագիտական ճանապարհով, «եթե իրանցիները որոշեն, որ ցանկանում են համագործակցել միջազգային հանրության հետ»։
