Էփշտեյնի թիմի մնացորդները Իրանի դեմ սեպտեմբերի 11-ի օրինակով դավադրություն են մշակել. Լարիջանի
Իրանի ազգային անվտանգության գերագույն խորհրդի քարտուղար Ալի Լարիջանին X սոցիալական ցանցում վերահաստատել է Իսլամական Հանրապետության դիրքորոշումը ահաբեկչության դեմ պայքարում՝ հայտարարելով սեփական ինքնիշխանությունը պաշտպանելու պատրաստակամության մասին ամերիկացի պաշտոնյաների մեղադրանքների ֆոնին:
Նա ընդգծել է, որ Իրանը չի ձգտում հակամարտության ամերիկյան ժողովրդի հետ, սակայն վճռականորեն հակադրվում է երկրի դեմ ուղղված ցանկացած ագրեսիվ գործողության:
«Լսել եմ, որ Էփշտեյնի թիմի մնացորդները դավադրություն են մշակել՝ սեպտեմբերի 11-ի նման միջադեպ հրահրելու և դրանում Իրանին մեղադրելու համար։ Իրանը սկզբունքորեն դեմ է նման ահաբեկչական ծրագրերին և պատերազմ չի վարում ամերիկյան ժողովրդի դեմ։ Այսօր, հաշվի առնելով Իրանի դեմ ԱՄՆ-ի և Իսրայելի ագրեսիան, երկիրը պաշտպանական դիրք է զբաղեցնում։
Իհարկե, այս պաշտպանության հարցում Իրանը շատ ուժեղ է և վճռական է ագրեսորներին պատժելու գործում»,- նշել է Լարիջանին:
