Դուբայի օդանավակայանները մասնակի վերսկսել են աշխատանքը
Դուբայի օդանավակայանները մասնակի վերսկսել են աշխատանքը։
Արդեն սկսել են որոշ չվերթեր իրականացվել Դուբայի միջազգային օդանավակայանից (DXB) և Դուբայի համաշխարհային կենտրոնական Ալ Մաքթումի միջազգային օդանավակայանից (DWC):
«Ճանապարհորդներին խստորեն խորհուրդ է տրվում չուղևորվել դեպի DXB կամ DWC, քանի դեռ իրենց ավիաընկերությունը չի կապվել նրանց հետ և չի հայտնել իրենց թռիչքի հաստատման մասին, քանի որ ժամանակացույցը շարունակում է փոխվել»,- ասվում է Դուբայի օդանավակայանների պաշտոնական հաղորդագրության մեջ։
Ավելի վաղ հայտնել էինք, որ Դուբայի օդանավակայանները ժամանակավորապես փակ են մոտակայքում ԱԹՍ-ի ընկնելու հետևանքով։ Երկու անգամ հետաձգվել էր Դուբայ-Երևան չվերթը․ առավոտյան 06։55 նախատեսված չվերթը, ըստ առցանց չվացուցակի, կկայանա 15։00-ին։
