Օմանում սկսվել են իրանա-ամերիկյան բանակցությունները

Օմանում սկսվել են իրանա-ամերիկյան բանակցությունները, հայտնում են իրանական ԶԼՄ-ները։

Իրանական պատվիրակության ղեկավարն արտգործնախարար Արաղչին է, ԱՄՆ կողմից մասնակցում են Թրամփի փեսա Ջարեդ Քուշները և նախագահի հատուկ ներկայացուցիչ Սթիվ Ուիթքոֆը։

Իրանի արտաքին գործերի նախարար Արաղչին, ԱՄՆ-ի հետ Օմանում սպասվող բանակցություններից առաջ, X-ում գրառում էր արել։

«Իրանը դիվանագիտական ​​բանակցություններին մոտենում է բաց աչքերով և անցյալ տարվա իրադարձությունները լավ հիշելով։ Մենք գործում ենք բարի կամքով և վճռականորեն պաշտպանում ենք մեր իրավունքները։

Պարտավորությունները պետք է կատարվեն։ Հավասար իրավունքները, փոխադարձ հարգանքը և փոխադարձ շահերը հռետորաբանություն չեն, այլ անհրաժեշտություն և երկարատև համաձայնագրի հիմք»,- նշել է նա։