Չինաստանը և Ճապոնիան հրավեր են ստացել մասնակցելու Խաղաղության խորհրդին
Չինաստանը և Ճապոնիան հրավեր են ստացել՝ միանալու Գազայի հատվածում իրադրության կարգավորման՝ ԱՄՆ նախագահ Դոնալդ Թրամփի նախաձեռնությամբ ստեղծվող Խաղաղության խորհրդի աշխատանքին:
Ինչպես տեեղեկանում ենք ՏԱՍՍ գործակալությունից, Չինաստանի կողմից նման հրավեր ստանալու մասին հայտարարել է երկրի արտաքին գործերի նախարարության խոսնակ Գո Ցզյակունը։
Ճապոնիայի վարչապետ Սանաե Տակաիչին նույնպես ԱՄՆ նախագահ Դոնալդ Թրամփից հրավեր է ստացել՝ մասնակցելու Խաղաղության խորհրդի աշխատանքին: Այդ մասին հաղորդել է Kyodo լրատվական գործակալությունը՝ հղում անելով Ճապոնիայի արտաքին գործերի նախարարությանը: Կընդունվի արդյոք այդ հրավերը, չի նշվում:
Մերձավոր Արևելքում իրադրության կարգավորման հարցով ստեղծվող Խաղաղության խորհրդի կազմ մտնելու հրավերներ են ուղարկվել շուրջ 60 երկրի ղեկավարների, այդ թվում՝ Հայաստանի վարչապետին։
