Մահացել է Կիպրոսի նախկին նախագահ Գեորգիոս Վասիլիուն
Կիպրոսի երրորդ նախագահ Գեորգիոս Վասիլիուն, որը պաշտոնավարել է 1988-ից մինչև 1993 թվականը, մահացել է 94 տարեկանում: «Արմենպրես»-ի փոխանցմամբ` այս մասին X-ում հայտնել է նրա այրին՝ Անդրուլլա Վասիլիուն։
Նրա խոսքով՝ իր ամուսինը մահացել է հունվարի 13-ի երեկոյան՝ «երկու տարվա տառապանքներից հետո»:
Վասիլիուն մահացել է, գտնվելով իր ընտանիքի շրջապատում՝ Նիկոսիայի Կենտրոնական հիվանդանոցում, որտեղ նա հոսպիտալացվել էր հունվարի 6-ին:
