Բացահայտվել են «Մայրաքաղաքային» աղցանը սառնարանից դուրս պահելու վտանգավոր հետևանքները
5°C-ից բարձր ջերմաստիճանում գտնվելու դեպքում «Մայրաքաղաքային» աղցանում արագ զարգանում են միկրոօրգանիզմները, ինչը հանգեցնում է փչացման և թունավորման ռիսկի: Այս մասին Lenta.ru-ի հետ զրույցում հայտարարել է Ռոսբիոտեխ համալսարանի սննդի անվտանգության ամբիոնի ավագ դասախոս Քսենիա Կուզնեցովան:
Մասնագետը զգուշացրել է, որ սննդի անվտանգության տեսանկյունից «Մայրաքաղաքային» աղցանի համար սառնարանում անվտանգ պահպանման ժամկետ չկա։
Նրա խոսքով՝ սենյակային ջերմաստիճանում ընդամենը 1-2 ժամ պահելուց հետո սկսվում է մանրէների ակտիվ աճ, այդ թվում՝ պոտենցիալ պաթոգենների։ Աղցանի ճարպային էմուլսիան առանձնանում է, ինչը խաթարում է կոնսիստենցիան և կարող է նպաստել միկրոօրգանիզմների աճին, հավելել է նա։
«Եթե սառնարանում պահելու հնարավորություն չկա, տաք տեղում պահպանման ժամանակը պետք է լինի ոչ ավելի, քան 2 ժամ։ Եթե սենյակը շատ տաք է, պահպանման ժամկետը կնվազի:
Ցանկալի է աղցանը ծածկել սննդի թաղանթով կամ կափարիչով։ Փչացման նշաններից են թթու հոտը, ներքևի մասում հավաքված հեղուկը և բաղադրիչների գունաթափումը։ Եթե այդ նշանները ի հայտ գան, աղցանը պետք է դեն նետվի»,- խորհուրդ է տվել մասնագետը։
