Ինդոնեզիայում զբոսաշրջիկներով նավ է խորտակվել. անհետ կորել են Իսպանիայից ժամանած ընտանիքները
Ինդոնեզիայում չորս հոգանոց իսպանական ընտանիք է անհետ կորել՝ զբոսաշրջային նավակի խորտակումից հետո, հաղորդում է Antara պետական լրատվական գործակալությունը։
Ուրբաթ երեկոյան Պադար կղզու նեղուցում՝ Լաբուան Բաջո հայտնի հանգստավայրի մոտ, 11 հոգու տեղափոխող նավակ է խորտակվել։ Յոթ մարդ, այդ թվում՝ երկու իսպանացի զբոսաշրջիկ, անձնակազմի չորս անդամ և մեկ ուղեկցորդ, փրկվել են։
Լաբուան Բաջո նավահանգստի իշխանությունները նավի խորտակման պատճառը համարել են երեք մետր բարձրությամբ ալիքները։
«Սա դժվարացրել է սկզբնական որոնողական գործողությունները», – գործակալությանը ասել է նավահանգստի վարչակազմի ղեկավար Ստեֆանուս Ռիսդիյանտոն։
Պադար կղզին շաբաթ օրը փակ է եղել զբոսաշրջիկների համար՝ եղանակային ծայրահեղ վատ պայմանների պատճառով։
Ինդոնեզիայում՝ Հարավարևելյան Ասիայի արշիպելագում, որը բաղկացած է մոտ 17,000 կղզիներից, պարբերաբար ծովային դժբախտ պատահարներ են տեղի ունենում՝ հաճախ անվտանգության ոչ բավարար չափանիշների և վատ եղանակի պատճառով:
