Որո՞նք են համեմատաբար քիչ վնասակար ալկոհոլային խմիչքները
Օղին, տեկիլան և ջինը համեմատաբար ամենաքիչ վնասակար ալկոհոլային խմիչքներն են: Այս մասին հայտարարել է սննդաբան Նիկոլա Լադլամ-Ռեյնը, ում կարծիքը հրապարակել է Daily Mail-ը:
Մասնագետը բացատրել է, որ սպիրտային խմիչքները գործնականում չեն պարունակում կալորիաներ, շաքար կամ հավելումներ, որոնք կարող են լրացուցիչ վնաս հասցնել օրգանիզմին։ «Միայն ալկոհոլն է, որ ծանրաբեռնում է լյարդը՝ առանց շաքարի կամ ճարպի լրացուցիչ ազդեցության»,- բացատրել է նա։
Լադլամ-Ռեյնը շամպայնն ու գինին, որոնք նույնպես համեմատաբար ցածր կալորիականություն ունեն, նշել է համեմատաբար անվտանգ ալկոհոլային խմիչքների ցանկում: «Ալկոհոլի վնասը համեմատելը իմաստ ունի միայն փոքր քանակությամբ օգտագործելու դեպքում: Եթե չարաշահեք, ցանկացած խմիչք զգալի ազդեցություն կունենա»,- ընդգծել է սննդաբանը:
