Ռուսաստանը քաղաքական աջակցություն է ցուցաբերում Վենեսուելային. ՌԴ ԱԳՆ
Ռուսաստանը անհրաժեշտ քաղաքական աջակցություն է ցուցաբերում Վենեսուելային և կարծում է, որ Հարավային Կարիբյան ավազանում ստեղծված իրավիճակի համար կգտնվի տրամաբանական լուծում, հայտարարել է Ռուսաստանի արտաքին գործերի նախարարության Լատինական Ամերիկայի վարչության պետ Ալեքսանդր Շչետինինը։
«Մենք, անշուշտ, անհրաժեշտ քաղաքական աջակցություն ենք ցուցաբերում եղբայրական վենեսուելացի ժողովրդին այս դժվարին ժամանակահատվածում։ Մենք կարծում ենք, որ պետք է հաղթի առողջ բանականությունը, և Հարավային Կարիբյան ավազանում ստեղծված իրավիճակի համար կգտնվի տրամաբանական և համապատասխան լուծում»,- լրագրողներին ասել է նա։
