ԱՄՆ-ի հետ F-35 ծրագրի շուրջ բանակցություններում կան դրական զարգացումներ. Էրդողան
Թուրքիայի նախագահ Ռեջեփ Թայիփ Էրդողանը հայտարարել է, որ F-35 կործանիչների մատակարարման վերաբերյալ ԱՄՆ նախագահ Դոնալդ Թրամփի հետ վերջին բանակցությունները տվել են դրական արդյունքներ։
Էրդողանի խոսքով՝ Վաշինգթոնի հետ քննարկումները շարունակվում են կառուցողական մթնոլորտում, և Թուրքիան ակնկալում է, որ հարցը շուտով կստանա առաջընթաց։
«Մենք վերջին զրույցների ընթացքում մի շարք դրական ազդակներ ենք ստացել։ Հույս ունեմ, որ ԱՄՆ նախագահը կկատարի իր խոստումները»,– նշել է Էրդողանը։
Թուրքիան բազմիցս հայտարարել է, որ ցանկանում է վերադառնալ F-35 ծրագրին, որից դուրս մնաց ռուսական S-400 համակարգերի գնման պատճառով։
