Վրաստանի, Ադրբեջանի և Թուրքիայի երկաթուղիների ղեկավարները Բաքու-Թբիլիսի-Կարս ուղով փոխադրումների կազմակերպման վերաբերյալ հուշագիր են ստորագրել
Վրաստանի, Ադրբեջանի և Թուրքիայի երկաթուղիների ղեկավարները ստորագրել են Բաքու-Թբիլիսի-Կարս երկաթուղով բեռնափոխադրումների կազմակերպման վերաբերյալ փոխըմբռնման հուշագիր։
Ինչպես տեղեկացնում է 1tv.ge -ն, Վրաստանի երկաթուղիների գլխավոր տնօրեն Լաշա Աբաշիձեի, Ադրբեջանի երկաթուղիների (ADY) նախագահ Ռովշան Ռուստամովի և Թուրքիայի պետական երկաթուղու TCDD Taşımaçılık գլխավոր տնօրեն Ուֆուկ Յալչինի հանդիպումը տեղի է ունեցել Ղազախստանի Ալմաթի քաղաքում՝ «Տրանսպորտի շաբաթվա» շրջանակներում։
Կողմերը պայմանավորվել են բարձրացնել Բաքու-Թբիլիսի-Կարս երթուղու մրցունակությունը այլ տրանսպորտային միջանցքների համեմատ, օպտիմալացված առաքման ժամկետներով ներգրավել լրացուցիչ բեռնափոխադրումներ և կիրառել մրցակցային սակագներ, որոնք կապահովեն բեռնափոխադրման կայուն պայմաններ և թափանցիկ գնագոյացում։
