Երևանի կենտրոնում 5 ամիս առաջ հրազենային վնասվածք ստացած օտարերկրացին օրերս մահացել է
SHAMSHYAN.com-ի տեղեկություններով՝ սեպտեմբերի 18-ին Երևանի բժշկական կենտրոններից մեկում մահացել է օտարերկրացի տղամարդ, որը գլխի մասում հրազենային վնասվածք էր ստացել այս տարվա ապրիլի 14-ին Մաշտոցի պողոտա 15 շենքի դիմաց հնչած կրակոցների հետևանքով:
Վերջինը ծայրահեղ ծանր վիճակում տեղափոխվել էր հիվանդանոց և առաջին իսկ օրվանից գտնվում էր կոմայի մեջ։
Տղամարդը դեպքի պահին իր «Cadillac» մակնիշի ավտոմեքենայի մեջ է եղել և ըստ ձեռք բերված ապացույցների, մասնակցություն չի ունեցել կրակոցներին, սակայն հրազենային վնասվածք է ստացել:
