Վինիսիուսը պահանջել է բարձրացնել իր աշխատավարձը, հակառակ դեպքում կարող է լքել «Ռեալը»
Մադրիդի «Ռեալի» բրազիլացի հարձակվող Վինիսիուս Ժունիորը դժգոհ է ակումբում ունեցած իր դիրքից։ Tribal Football-ի հաղորդմամբ՝ Նա դժգոհ է այն փաստից, որ ֆրանսիացի հարձակվող Կիլիան Մբապեն իրենից ավելի շատ գումար է վաստակում։ Այս մասին գրում է ArmSport.am-ը։
Աղբյուրի տեղեկություններով՝ 25-ամյա բրազիլացին ցանկանում է, որ իր աշխատավարձը հավասարվի Մբապեի աշխատավարձին։ Եթե այս պահանջը չբավարարվի, Ժունիորը կարող է տեղափոխվել այլ ակումբ։
Վինիսիուսը Լա Լիգայի ընթացիկ մրցաշրջանում անցկացրել է 5 խաղ՝ խփելով 2 գոլ և կատարելով 2 գոլային փոխանցում։ Նրա գործող պայմանագրի ժամկետը «սերուցքայինների» հետ նախատեսված է մինչև 2027 թվականի կեսերը, իսկ տրանսֆերային արժեքը գնահատվում է 170 միլիոն եվրո։
