Հերթական անգամ չեղարկվել է իրանցի երաժիշտ Նամջուի համերգը Թուրքիայում
Իրանցի երաժիշտ Մոհսեն Նամջուն հայտնել է, որ չեղարկվել են Թուրքիայում կայանալիք իր վեց համերգները։ Այս մասին տեղեկացնում է ermenihaber.am-ը։
Նա իր սոցցանում նշել է.
«Չնայած նրան, որ վեց համերգից հինգի տոմսերը արդեն վաճառվել են և 16.000 մարդ գնել է տոմս, ցավով տեղեկացնում ենք, որ ինչպես 2022-ին, այնպես էլ հիմա այս համերգային շրջագայությունը չեղարկվել է բարձրաստիճան պաշտոնյանների հրահանգով՝ կրոնական զգայունության պատճառաբանմամբ»։
Արտիստը ներողություն է խնդրել իր բոլոր ունկնդիրներից, հատկապես նրանցից, ովքեր ծրագրել էին այլ քաղաքներից և երկրներից գալ և մասնակցել իր համերգին։ Մոհսեն Նամջուն հայտնել է, որ իր «YouTube»-յան ալիքում ուղիղ եթերում հանդես կգա համերգային կատարումներով։
Թուրքիայի պատկան մարմինները համերգի չեղարկումը բացատրում են հասարակության համընդհանուր բարոյականության վիրավորումով։ Ըստ նրանց իրանցի երաժիշտի երգերը հարված են հասցնում պարկեշտության, ամոթի և առաքինության արժեքներին։
