Զելենսկին ստիպված է լինելու համաձայնագիր կնքել ՌԴ-ի հետ. Թրամփ
ԱՄՆ նախագահ Դոնալդ Թրամփը հայտարարել է, որ Ուկրաինայի նախագահ Վոլոդիմիր Զելենսկին ստիպված կլինի համաձայնության գնալ ռուս-ուկրաինական հակամարտության կարգավորման համար։ Նա նաև շեշտել է, որ Եվրոպան պետք է դադարեցնի Մոսկվայից նավթի գնումները։ Այդ մասին Թրամփն ասել է Մեծ Բրիտանիա մեկնելուց առաջ լրագրողների հետ զրույցում, որի տեսանյութը հրապարակել է Forbes Breaking News-ը։
«Նա ստիպված է լինելու համաձայնագիր կնքել։ Զելենսկին պետք է համաձայնության գնա։ Իսկ Եվրոպան պետք է դադարի նավթ գնել Ռուսաստանից», – ասել է Թրամփը լրագրողներին սեպտեմբերի 16-ին Մեծ Բրիտանիա մեկնելուց առաջ։
Նա կրկին հիշեցրել է, որ յոթ հակամարտություն է կանգնեցրել, և չնայած ռուս-ուկրաինական հակամարտությունը բարդ է, սակայն իրեն կհաջողվի այս մեկը ևս կանգնեցնել։
Սեպտեմբերի 13-ին Թրամփը հայտարարել էր, որ Վաշինգտոնը լուրջ պատժամիջոցներ կկիրառի ՌԴ-ի դեմ, եթե ՆԱՏՕ-ի բոլոր երկրները համաձայնեն նման քայլերի, ինչպես նաև հրաժարվեն ռուսական նավթից։
