Եվրամիությունը մերժել է Յանուկովիչին

Եվրոպական Միության Արդարադատության դատարանը մերժել է Ուկրաինայի նախկին նախագահ Վիկտոր Յանուկովիչի՝ իր դեմ պատժամիջոցները վերացնելու հայցը։ Այս մասին հաղորդում է InfoCuria իրավական տեղեկատվական համակարգը, որը տիրապետում է Եվրոպական դատարանի նախադեպային իրավունքի վերաբերյալ տեղեկատվությանը:

ԵՄ Խորհուրդը հայտարարել է, որ իր նախագահության ընթացքում Յանուկովիչը վարել է ռուսամետ քաղաքականություն, ինչպես նաև մեղադրել է նրան Ռուսաստան տեղափոխվելու մեջ, որտեղ նախկին նախագահը, ենթադրաբար, շարունակել է իրականացնել Ուկրաինայում իրավիճակի ապակայունացմանն ուղղված գործունեություն։

Նաև մերժվել է Ուկրաինայի նախկին նախագահի որդու՝ Ալեքսանդր Յանուկովիչի նկատմամբ կիրառված պատժամիջոցների վերացումը։ Նրան մեղադրել են Դոնբասում բիզնեսով զբաղվելու և «ռուսամետ անջատողականների» հետ կապեր ունենալու մեջ։ ԵՄ Խորհուրդը նաև հայտնել է, որ Ալեքսանդրը Դոնեցկի և Լուգանսկի ժողովրդական հանրապետություններում ձեռք է բերել կարևոր տնտեսական ակտիվներ՝ անջատողականների հետ իր կապերի շնորհիվ։