Միլիարդատերը զրկվել է վարորդական իրավունքից
Մեծ Բրիտանիայում 81-ամյա միլիարդատերը զրկվել է վարորդական իրավունքից արագությունը գերազանցելու համար։ Այս մասին հաղորդում է Daily Mail-ը։
Նախկին ֆինանսիստ Միշել դե Կարվալյոն կանոնները խախտել է հունվարին։ Ճանապարհային տեսախցիկը ֆիքսել է, թե ինչպես է նա վարում ժամում 80 կիլոմետր արագությամբ ճանապարհի այն հատվածում, որտեղ արագության սահմանափակումը ժամում 64 կիլոմետր է։
Սեպտեմբերին դե Կարվալյոն փորձել է բողոքարկել պատիժը դատարանում։ Նա ասել է, որ մեքենա վարելու արգելքն անհարմարություններ կպատճառի ոչ միայն իրեն, այլև իր տարեց հարևաններին, որոնց նա մեքենայով տանում է սուպերմարկետներ և եկեղեցի։
Իրավիճակը, ըստ նրա, բարդանում է նրանով, որ անվտանգության նկատառումներից ելնելով՝ նա չի կարող օգտվել սովորական տաքսիներից։
Դե Կարվալյոյի փաստարկները չեն համոզել դատավորին։ Նա միլիարդատիրոջը վեց ամսով զրկել է վարորդական իրավունքից, ինչն արագության գերազանցման համար նախատեսված ստանդարտ պատիժ է։
