Վրաստանում առողջապահության ոլորտի գներն աճել են 9.3%-ով. Geostat
Վրաստանում գնաճը շարունակվում է. օգոստոսին գնաճը հասել է 4.6%-ի, որն ամենաբարձրն է վերջին երկու տարվա ընթացքում, հայտնել է Վրաստանի ազգային վիճակագրական ծառայությունը (Geostat)։ Սննդամթերքից (10%) հետո գներն ամենաշատը աճել են առողջապահության ոլորտում. այստեղ տարեկան աճը կազմում է 9.3%։ Այս մասին գրում է aliq.ge-ն։
Մանրամասն զեկույցի համաձայն՝ հիվանդանոցային ծառայությունները դարձել են առողջապահության ոլորտում ամենաթանկը` 26%-ով ավելի։ Թանկացել են նաև դեղորայքը, թերապևտի խորհրդատվությունը, վիրաբուժական և ատամնաբուժական ծառայությունները, մասնավորապես՝
- Հիվանդանոցային ծառայություններ՝ 26%
- Ցավազրկողներ` 22%
- Թերապևտի խորհրդատվություն` 15%
- Վազոդիլատորներ` 12%
- Վիտամիններ` 11%
- Արյան անալիզ` 8%
- Ուլտրաձայնային հետազոտություն` 6%
- Ստոմատոլոգիական ծառայություններ` 4%
- Հակաբորբոքային դեղամիջոցներ` 3%
- Մարսողական համակարգի դեղամիջոցներ` 3%
- Աչքի լինզա` 2%
- Ներարկիչ` 1%
- Բամբակ` 1%
- Վիրաբուժական ծառայություններ` 1%։
