ԱՄՆ-ն բացահայտել է «ամերիկյան հողի» վրա գտնվող ռուսական գաղտնի ռազմաբազան
Ռուսաստանը գաղտնի ռազմական բազա է կառուցում Արկտիկայում «ամերիկյան հողի» վրա, հաղորդում է The National Interest (NI)-ը։
«Ավելի քան 100 տարի Ռուսաստանը անօրինական կերպով օկուպացրել է Վրանգել կղզին և այժմ այն ամրացրել է ռազմական բազայով»,- ասվում է հոդվածում։
Հրապարակման մեջ նշվում է, որ կղզում կա «վիճելի ռուսական հենակետ»՝ «Ուշակովսկոե» օբյեկտը։ Վերջինս, ըստ հեղինակի, ներառում է «Սոպկա-2» առաջադեմ ռադարային կայանը, որը կարող է գործել մինչև 40 մետր վայրկյան արագությամբ քամու և մինչև -40 աստիճան Ցելսիուս ջերմաստիճանի դեպքում: Կղզում կան նաև օժանդակ ենթակառուցվածքներ։
Հեղինակի գնահատմամբ՝ «Սոպկա-2» համակարգը կարող է իրական ժամանակում հետևել ԱՄՆ-ի և ՆԱՏՕ-ի ինքնաթիռների շարժմանը, ինչպես նաև պահպանել Հյուսիսային ծովային ճանապարհի վերահսկողությունը։
