Հայաստանի հավաքականը անցկացրել է առաջին մարզումը Եղիշե Մելիքյանի գլխավորությամբ
Հայաստանի ազգային հավաքականը սկսել է սեպտեմբերյան մարզական հավաքը ՀՖՖ Տեխնիկական կենտրոն/Ֆուտբոլի ակադեմիայում։ Այսօր՝ սեպտեմբերի 1-ին, մեր ընտրանին անցկացրել է առաջին մարզումը հավաքականի գլխավոր մարզիչ Եղիշե Մելիքյանի գլխավորությամբ։ Այս մասին հայտնում է ArmSport.am-ը։
Նշենք, որ առաջին մարզումը բաց են թողել Տիգրան Բարսեղյանը, Լուկաս Սելարայանը, Վահան Բիչախչյանը և Նաիր Թիկնիզյանը։
Տիգրան Բարսեղյանը, Նաիր Թիկնիզյանը և Վահան Բիչախչյանը թիմին կմիանան վաղը՝ սեպտեմբերի 2-ին, իսկ Լուկաս Սելարայանը՝ սեպտեմբերի 3-ին։
Սեպտեմբերի 6-ին Հայաստանի հավաքականը Վազգեն Սարգսյանի անվան «Հանրապետական» մարզադաշտում կընդունի Պորտուգալիայի ընտրանուն, իսկ երեք օր անց կմրցի Իռլանդիայի հավաքականի հետ։
