Զելենսկին կմեկնի Փարիզ՝ եվրոպացի առաջնորդների հետ հանդիպելու համար
Ուկրաինայի նախագահ Վլադիմիր Զելենսկին պլանավորում է մասնակցել սեպտեմբերի 4-ին Փարիզում կայանալիք եվրոպացի առաջնորդների հանդիպմանը։ Այս մասին հաղորդում է ուկրաինական «Общественные новости» հրատարակությունը:
Գագաթնաժողովի սպասվող մասնակիցների թվում, Ֆրանսիայի առաջնորդ Էմանուել Մակրոնից բացի, կլինեն Գերմանիայի կանցլեր Ֆրիդրիխ Մերցը, Մեծ Բրիտանիայի վարչապետ Քիր Սթարմերը, ՆԱՏՕ-ի գլխավոր քարտուղար Մարկ Ռյուտեն և Եվրահանձնաժողովի նախագահ Ուրսուլա ֆոն դեր Լեյենը։
Financial Times-ը նախորդ օրը հաղորդել էր, որ Եվրամիության առաջնորդները և ՆԱՏՕ-ի գլխավոր քարտուղարը պլանավորում են քննարկել Ուկրաինայի կարգավորման հարցը սեպտեմբերի 4-ին Փարիզում կայանալիք հանդիպման ժամանակ։ Հանդիպումը նախաձեռնել է նախագահ Մակրոնը՝ բարձր մակարդակի բանակցությունները շարունակելու համար։
