Փաշինյանը շատ դժգոհ է ժողովրդից. չի ստացել խաղաղության վերաբերյալ ժողովրդական մեծ ոգևորություն. Դավիթ Անանյան
«Ընդդիմության ունկնդիրը դեռ տանը նստած է. եթե Փաշինյանը կարողանում է իր էլեկտորատը մոբիլիզացնել՝ միաժամանակ դժգոհ լինելով նրանցից, ընդդիմության էլեկտրորատը դեռ տանն է»,- 168TV-ի «Ռեվյու» հաղորդաշարի եթերում ասաց «Դի-Էս-Էյ խորհրդատվական խումբ» ընկերության գլխավոր տնօրեն Դավիթ Անանյանը։
«Նախ, Փաշինյանը շատ դժգոհ է ժողովրդից, որովհետև նրանցից չի ստացել խաղաղության վերաբերյալ ժողովրդական մեծ ոգևորություն։ Իշխանության խոսույթն առանձնահատուկ մասսայի կա՛մ այն մարդկանց համար է, որոնք գործընթացները խորությամբ չեն հասկանում, կա՛մ նրանց, որոնց կենսական պահանջմունքներն իրենց համար առաջնային են»,- ասաց Անանյանը։
Նրա խոսքով՝ այսօրվա քաղաքական իշխանությունը՝ ի դեմս Նիկոլ Փաշինյանի, մեկ մարդու իշխանություն է. Փաշինյանը բռնազավթել է իշխանական բոլոր բևեռները, և երբ խոսում են իշխանության վարկանիշի մասին, պետք է խոսեն հենց Փաշինյանի վարկանիշի մասին, ոչ թե ամբողջ իշխանության։
«Փաշինյանը, այո՛, այսօր, այդ վաշինգտոնյան փաստաթղթերից հետո մի քանի տոկոսով բարձր վարկանիշ ունի՝ մոտ 16-17 տոկոս։ Իրավիճակն այնպիսին է, որ մենք ձևավորել ենք նման հանրություն, հանրություն, որի 7 տոկոսը գնում է Փաշինյանի հետևից, 4-5 տոկոսն էլ՝ իշխանության հետ մնացողներ են։ Կան նաև մարդիկ, որոնք չտեսնելով այլընտրանք՝ գնում են Փաշինյանի հետևից, և հենց այստեղ է, որ ընդդիմությունը ձախողել է իր աշխատանքը»,- ասաց Դավիթ Անանյանը։
Մանրամասները՝ տեսանյութում։
