Եվգենի Պետրոսյանի մոտ սրվել են սրտի հետ կապված խնդիրները
79-ամյա գրող-հումորիստ Եվգենի Պետրոսյանի մոտ սրվել են առողջության հետ կապված խնդիրները. նա դիմել է բժիշկների օգնությանը։ Այս մասին գրում է SHOT տելեգրամյան ալիքը:
Հաղորդվում է, որ նա ենթադրաբար բժիշկներին բողոքել է կրծքավանդակի ուժեղ ցավերից և շնչառության հետ կապված խնդիրներից: Ընդ որում, նշվում է, որ մի քանի տարի առաջ նրա մոտ հիպերտոնիա էին հայտնաբերել, իսկ մարտին հումորիստին նույնիսկ հիվանդանոց էին տեղափոխել աղիքային արյունահոսության պատճառով:
Ալիքի տեղեկություններով՝ բժիշկներն ավելի վաղ արգելել էին Պետրոսյանին ինտենսիվ ֆիզիկական ծանրաբեռնվածություն ունենալ և խորհուրդ էին տվել խուսափել սթրեսային իրավիճակներից, այդ թվում՝ բեմում ելույթներից:
Առողջության վատթարացման և բժիշկներին դիմելու մասին տեղեկությունը, սակայն, դեռ չեն մեկնաբանել ո՛չ հումորիստը, ո՛չ նրա կինը՝ Տատյանան:
