Գենետիկները բացահայտել են գազարի անսպասելի վտանգը տղամարդկանց համար
Գազարը հաճախ անվանում են գերսնունդ, և այն իսկապես, ներառյալ՝ տեսողության համար բազմաթիվ օգտակար հատկություններ ունի: Սակայն վերջերս գիտնականները պարզել են, որ արմատապտուղն ի վիճակի է վնասել տղամարդկանց առողջությանը: Չինաստանում անցկացված նոր հետազոտությունը ցույց է տվել, որ դրա չափազանց օգտագործումը գրեթե 60%-ով մեծացնում է էրեկտիլ դիսֆունկցիայի ռիսկը:
Պեկինի համալսարանի մասնագետներն ուսումնասիրել են տղամարդկանց ԴՆԹ-ի էպիգենետիկ փոփոխությունները, ուղիղ կապ բացահայտելով կարոտինների բարձր մակարդակի և պոտենցիալի նվազման միջև: A վիտամինի վերածվող օրգանական միացությունները համարվում են հզոր հակաօքսիդանտներ: Սակայն դրանց ավելցուկը սննդակարգում կարող է վնասել անոթային էնդոթելը: Դա ազոտի օքսիդի արտազատման և առնանդամն արյունով լցնելու գործընթացի համար պատասխանատու բջիջների շերտն է:
Կարոտինների էրեկցիայի վրա ազդեցության ճշգրիտ մեխանիզմը դեռևս պարզ չէ: Բժշկական գիտության արխիվներում հրապարակված հետազատության մեջ հեղինակները ընդգծում են, որ անհրաժեշտ են նոր փորձեր մանրամասները պարզաբանելու համար:
Կարևոր է նշել, որ կարոտինները հանդիպում են ոչ միայն գազարի, այլև այլ նարնջագույն բանջարեղենների՝ դդմի, քաղցր կարտոֆիլի, ինչպես նաև այնպիսի մրգերի մեջ, ինչպիսիք են ծիրանը և մանգոն: Նախկինում մասնագետները չէին հետևում կարոտինների և էրեկտիլ դիսֆունկցիայի միջև կապին։
Էրեկտիլ դիսֆունկցիան բավականին տարածված է, օրինակ՝ Մեծ Բրիտանիայում յուրաքանչյուր հինգերորդ տղամարդ գիտի այդ խնդրի մասին: Ռիսկի գործոններն են 2-րդ տիպի շաքարախտը, ճարպակալումը, սրտանոթային հիվանդությունները և մի շարք այլ պաթոլոգիաներ: Այժմ դրանց ավելացվել են մի շարք սննդամթերքներ:
