Թրամփը հայտնել է, որ Պուտինի հետ Ալյասկայում կառուցողական հանդիպում է ակնկալում
ԱՄՆ նախագահ Դոնալդ Թրամփը հայտարարել է, որ ակնկալում է կառուցողական բանակցություններ Ռուսաստանի նախագահ Վլադիմիր Պուտինի հետ, որը նախատեսված է օգոստոսի 15-ին Ալյասկայում։
Այս մասին ԱՄՆ նախագահը հայտնել է Սպիտակ տանը լրագրողների հետ զրույցում:
Թրամփը նշել է, որ հանդիպման ընթացքում պատրաստվում է Պուտինին ասել Ուկրաինայում պատերազմական գործողությունները դադարեցնելու անհրաժեշտության մասին։
«Ես պատրաստվում եմ նրան ասել, որ պետք է ավարտել այս պատերազմը»,-ընդգծել է ԱՄՆ ղեկավարը։
