ԱՄՆ կարող է 100% երկրորդային մաքսատուրք սահմանել Թուրքիայի նկատմամբ
ԱՄՆ նախագահ Դոնալդ Թրամփի վարչակազմը հայտարարել է, որ եթե մինչև օգոստոսի 8-ն Ուկրաինայում հրադադար չհաստատվի, ապա Ռուսաստանի հետ առևտրի մեջ գտնվող երկրներից ԱՄՆ ներմուծվող ապրանքների համար կկիրառվի 100% երկրորդային մաքսատուրք: Այս մասին տեղեկացնում է ermenihaber.am-ը։
Թուրքիան, որը հանդիսանում է Ռուսաստանի խոշորագույն էներգետիկ գործընկերներից մեկը, կարող է զգալիորեն տուժել այդ սահմանափակումներից։
Ըստ փորձագետների, եթե նոր մաքսատուրքերն իրականացվեն, դրանք կդժվարացնեն ռուսական էներգակիրների հոսքը դեպի Թուրքիա և Եվրոպա՝ առաջացնելով նոր ինֆլյացիոն ճգնաժամ:
ԱՄՆ-ն նախկինում նման մեխանիզմ կիրառել էր Վենեսուելայի նկատմամբ, սակայն Ռուսաստանի դեպքում հետևանքներն ավելի մասշտաբային կարող են լինել՝ հաշվի առնելով Թուրքիայի ու Եվրոպայի կախվածությունը ռուսական էներգակիրներից։
