Շտապ. քաղբանտարկյալ Աղվան Արշակյանի առողջական վիճակը վատացել է. փաստաբանն ահազանգում է
Քաղբանտարկյալ, «Սրբազան պայքար» շարժման համակիր Աղվան Արշակյանի առողջական վիճակը կտրուկ վատթարացել է։ Այս մասին հայտնել է նրա պաշտպան Վարազդատ Հարությունյանը։
«Վերջույթներում առաջացել են ֆունկցիոնալ խանգարումներ. նա չի կարողանում շարժել ո՛չ ձեռքը, ո՛չ ոտքը։ Բողոքում է գլխապտույտներից և այժմ ի վիճակի չէ ինքնուրույն կատարել կենցաղային տարրական գործողություններ՝ հագնվել, լողանալ և այլն», -նշել է պաշտպանը։
Ըստ Վարազդատ Հարությունյանի՝ առողջական այս խնդիրները պայմանավորված են քաղցկեղի հետևանքներով։ Աղվան Արշակյանը նախկինում հաղթահարել է այդ հիվանդությունը, սակայն կալանքի պայմաններում նա զրկված է պատշաճ բժշկական զննության և անհրաժեշտ խնամքի հնարավորությունից։
Հիշեցնենք, որ այս պահին Հայաստանում կա 30-ից ավելի քաղբանտարկյալ, այդ թվում՝ բարձրաստիճան հոգևորականներ, ազգային բարերար, կին, զոհված զինծառայողի հայր և ծանր առողջական խնդիրներ ունեցող անձինք։
