Իրանը Ստամբուլում բանակցություններ կվարի «Եվրաեռյակի» երկրների հետ
Իրանի միջուկային ծրագրի շուրջ բանակցությունների նոր փուլը Իսլամական Հանրապետության և «Եվրաեռյակի» երկրների՝ Մեծ Բրիտանիայի, Ֆրանսիայի ու Գերմանիայի միջև տեղի կունենա հուլիսի 25-ին։
Ինչպես հաղորդում է Reuters-ը, այս մասին հայտնել է Իրանի ԱԳՆ ներկայացուցիչ Էսմայիլ Բաղային։
«Իրանի, Բրիտանիայի, Ֆրանսիայի և Գերմանիայի միջև հանդիպումը տեղի կունենա արտաքին գործերի փոխնախարարների մակարդակով»,- իրանական պետական հեռուստառադիոընկերությանն ասել է Բաղային։
Հանդիպումը կայանալու է Ստամբուլում։
Իրանական կողմը ներկայացնելու են Մաջիդ Թահթ-Ռավանչին և Քազեմ Գարիբաբադին։
