Մոսկվայի դպրոցականները Հայրենական մեծ պատերազմի 5 մասնակցի մնացորդներ են հայտնաբերել
Ռուսաստանի Դաշնության մայրաքաղաք Մոսկվայի դպրոցականները որոնողական արշավախումբ են անցկացրել Հայրենական մեծ պատերազմի մարտերի վայրերում՝ հայտնաբերելով հինգ զինվորի մնացորդներ և մեկ զինվորի մեդալիոն:
Այս մասին հայտնում է ՏԱՍՍ-ը՝ հղում կատարելով Մոսկվայի քաղաքապետ Սերգեյ Սոբյանինի տարածած հաղորդագրությանը։
«Թիվ 1788 դպրոցի 12 աշակերտ մեկնել է Կալուգայի շրջանի սահման՝ Կուզովլևո գյուղ։ 1941 թվականին այստեղ էր գտնվում Մոսկվայի պաշտպանության գիծը, և տեղի ունեցան թեժ մարտեր։ Երեխաները հայտնաբերել են հինգ զինվորի մնացորդներ և մեկ զինվորի մեդալիոն։ Զննման արդյունքում հնարավոր է եղել պարզել անհետ կորած շարքայինի՝ Ալեքսանդր Միխայլովիչ Սինիցինի անունը»,- գրել է քաղաքապետը։
Նշվում է, որ դպրոցականների գտածոների մեջ կան նաև Մոսկվայի պաշտպանության ժամանակներից ավելի քան 10 արտեֆակտ, մասնավորապես՝ խորհրդային և գերմանական փամփուշտներ, «Մոսինի» հրացանի դաշույն և խորհրդային սաղավարտ։ Մոսկվայի քաղաքապետի խոսքով՝ պեղումները տեղի են ունեցել «Հիշողության ժամացույց» ամառային համառուսաստանյան արշավի շրջանակներում, ինչից առաջ երեխաները ուսումնասիրել են մարտերի վայրերը՝ օգտագործելով քարտեզներ և արխիվային նյութեր, ինչպես նաև վերապատրաստվել են «Որոնողի դպրոց»-ում։
