Տեխասի հեղեղումների զոհերի թիվը հասել է 104-ի
ԱՄՆ Տեխասի նահանգում հորդառատ անձրևներից հետո հեղեղումների զոհերի թիվը հասել է 104-ի։ «Վեց շրջաններում մահացել է առնվազն 104 մարդ։ Քերրի շրջանում կա 84 զոհ, որից 56-ը մեծահասակներ են, 28-ը՝ երեխաներ»,- հայտնել է NBC News-ը։
Տեխասում հեղեղումների վտանգը շարունակում է բարձր մնալ, քանի որ նահանգի կենտրոնական հատվածներում ակնկալվում են նոր տեղումներ։
Հեղեղումներից չորս օր անց աղետի գոտում ողջ մնացած մարդկանց գտնելու հավանականությունը սկսել է նվազել։
