Բրազիլիան նվաճել է Մունդիալ-2026-ի ուղեգիր
Բրազիլիայի ֆուտբոլի ազգային թիմն ապահովել է տեղն աշխարհի 2026 թվականի առաջնությունում:
Մունդիալի հարավամերիկյան գոտու որակավորման մրցաշարի 16-րդ տուրում Բրազիլիայի հավաքականը սեփական հարկի տակ մրցեց Պարագվայի հետ ու հաղթանակի հասավ մեկ գոլի առավելությամբ:
Այս հաղթանակի շնորհիվ Բրազիլիայի ընտրանին մրցաշարային աղյուսակում զբաղեցրեց 3-րդ տեղն ու իրավունք ստացավ մասնակցելու 2026 թվականի աշխարհի առաջնությանը:
Բրազիլիայի ֆուտբոլի ազգային հավաքականը պատմության մեջ միակ թիմն է, որ մասնակցել է աշխարհի բոլոր առաջնություններին:
