Շոյգուն բանակցություններ է վարել Կիմ Չեն Ընի հետ՝ քննարկելով Ուկրաինայի և Կորեական թերակղզու շուրջ ստեղծված իրավիճակը
Հունիսի 4-ին Ռուսաստանի Անվտանգության խորհրդի քարտուղար Սերգեյ Շոյգուն կարճատև աշխատանքային այցով մեկնել է Հյուսիսային Կորեայի մայրաքաղաք Փհենյան, հայտնել է ԿԺԴՀ-ում Ռուսաստանի դեսպանատունը։
Հաղորդագրության համաձայն՝ Շոյգուին Փհենյանում ընդունել է ԿԺԴՀ առաջնորդ Կիմ Չեն Ընը։
«Բարեկամական փոխըմբռնման մթնոլորտում անցած զրույցի ընթացքում քննարկվել են տարբեր ոլորտներում համագործակցության հարցեր, ինչպես նաև մտքերի փոխանակում է տեղի ունեցել ուկրաինական ճգնաժամի շուրջ ստեղծված իրավիճակի և Կորեական թերակղզու վերաբերյալ», – գրել է Ռուսաստանի դեսպանատունը։
Նույն օրը Սերգեյ Շոյգուն վերադարձել է Ռուսաստան։
