
Սերժ Սարգսյանին թիրախավորում են, որովհետև ուժ են տեսնում. Արտակ Զաքարյան
ՀՀԿ ԳՄ անդամ Արտակ Զաքարյանի կարծիքով՝ ՀՀԿ-ին և երրորդ նախագահ Սերժ Սարգսյանին թիրախավորում են, որովհետ ուժ են տեսնում, իսկ թիրախավորման հիմքում, նրա խոսքով, որպես կանոն շինծու խնդիրները կամ մաքուր զրպարտություններն են:
«Սպասելի պրոցես է, անակնկալներ չկան: Պայաքարը պետք է շարունակել: Գլխավոր խնդիրը փոփոխության չի ենթարկվում, դա իշխանափոխությունն է: Առանց դրա մենք ՀՀ ներկայի և ապագայի մարտահրավերները և սպառնալիքները չեզոքացնել և լուծել չենք կարողանալու: Հիմա էլ տեսնում ենք, թե դրանք գնալով ինչպիսի կարծր և ավելի ծանր բնույթ են ստանում»,-դատարանի բակում լրագրողների հետ զրույցում ասաց նա:
168.am-ը հետաքրքրվեց՝ այս ընկալումը կա՞ ընդդիմադիր այն շրջանակների մոտ, ովքեր թիրախավորում են երրորդ նախագահին, նա պատասխանեց. «Կան փոքր ուժեր, որոնք մանդատի կռիվ են անում և այդ կռվի մեջ ներքաշվել նաև ընդդիմադիր այլ ուժերի դեմ պայքարելով, կան քաղաքական ուժեր, անհատներ, որոնք հասկանում են իրավիճակը, ադեկվատ են գնահատում, և պատրաստ են համախմբված, միասնական ճակատով հանդես գալ»:
Նա հավելեց, որ առաջիկայում մանդատի համար կռիվ անող շրջանակները, ցավոք, լայնանալու են, բայց խնդիրները դրանով չեն լուծվում: Նա ընդդիմության միավորումը հավանական է համարում, իսկ բանավեճը՝ նորմալ:
Մանրամասները՝ տեսանյութում