Տավուշում բախվել են շտապօգնության ավտոմեքենան ու «Nissan»-ը. տուժածներ կան
Տավուշի մարզում շտապօգնության մեքենայի մասնակցությամբ վթար է տեղի ունեցել։ Տեղեկությունը հայտնում է shamshyan.com-ը։
Ժամը 13:50-ի սահմաններում Իջևան-Բերդ ավտոճանապարհի սկզբնամասում բախվել են շտապօգնության ավտոմեքենան և «Nissan» մակնիշի ավտոմեքենան։
Վթարի հետևանքով տարբեր աստիճանի մարմնական վնասվածքներով «Բերդ» բժշկական կենտրոն են տեղափոխվել շտապօգնության վարորդը, բժիշկը, բուժքույրը և «Nissan»-ի վարորդը։
Ըստ նախնական տվյալների՝ շտապօգնության ավտոմեքենան հաշվառված է Արծվաբերդի առողջության կենտրոնի հաշվեկշռում։
Վթարի հանգամանքները պարզվում են։
