Մեծ Բրիտանիայի և Հնդկաստանի միջև առևտրային համաձայնագիրը կարող է ստորագրվել 3 ամսից
Հնդկաստանի և Միացյալ Թագավորության միջև առևտրային համաձայնագիրը կարող է ստորագրվել 3 ամսից հետո, իսկ դրա իրագործման համար կպահանջվի ավելի քան 1 տարի: Այս մասին հայտնում է Reuters–ը՝ հղում կատարելով Հնդկաստանի կառավարության պաշտոնյային:
Նյու Դելին և Լոնդոնը մայիսի 6–ին ավարտել են ազատ առևտրի համաձայնագրի շուրջ բանակցությունները:
Պաշտոնյան ասել է, որ Հնդկաստանը Մեծ Բրիտանիային առանձին ներմուծման քվոտաներ է առաջարկել այրման շարժիչով մեքենաների և էլեկտրական շարժիչով մեքենաների համար, իսկ մեքենաների մաքսատուրքերի կրճատումը կառաջարկվի փուլային տարբերակով:
