Գվարդիոլան կհեռանա «Մանչեսթեր Սիթիից»
«Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան չի երկարաձգի համագործակցությունն անգլիական ակումբի հետ։ Նրա պայմանագիրը կավարտվի 2027թ․ հունիսին։
«Ես կհեռանամ պայմանագրիս ավարտից հետո։ Վստահ եմ։ Պատրաստվում եմ դադար վերցնել մարզչական կարիերայում։
Բոլոր մարզիչներն էլ ցանկանում են հաղթել եւ մնալ պատմության մեջ։ Ես հավատում եմ, որ «Բարսելոնայի», «Բավարիայի» եւ «Սիթիի» երկրպագուները հաճույք ստացել են այս տարիների ընթացքում։
Մարզիչի աշխատանքում ի հայտ են եկել նոր մարտահրավերներ, եւ ես չգիտեմ՝ ինչ կլինի ապագայում»,- Գվարդիոլայի խոսքը մեջբերում է BBC-ն։
54-ամյա մասնագետը 2016 թվականից է գլխավորում «Մանչեսթեր Սիթին»։
