Էստոնիան պլանավորում է ռազմաբազա ստեղծել Ռուսաստանի հետ սահմանի մոտ
Էստոնիան պլանավորում է Ռուսաստանին սահմանակից Նարվա քաղաքում ռազմաբազա ստեղծել, որտեղ կտեղակայվի շուրջ 250 զինվորական: Ինչպես տեղեկանում ենք «ՌԻԱ Նովոստի» գործակալությունից, այդ մասին հայտարարել է Էստոնիայի պաշտպանության ուժերի գլխավոր շտաբի պետ գեներալ-մայոր Վախուր Կարուսը։
«Պլանավորվում է Նարվայում ստորաբաժանումներ տեղակայել մշտական հիմունքներով…. քաղաքում կարգավորել զինծառայողների ամենօրյա ներկայությունը», – Կարուսի խոսքը մեջբերում է էստոնական ERR հեռուստառադիոհեռարձակող ընկերությունը։
Նա նաև հավելել է, որ բազայում տեղի կունենա տարբեր ստորաբաժանումների ռոտացիա։ «Սկզբնական փուլում խոսքը միաժամանակ մոտավորապես 200-250 զինվորականի գտնվելու մասին է», – պարզաբանել է Կարուսը։
