Վրաստանում Հայաստանի սահման տանող ճանապարհի վերակառուցման մրցույթ են հայտարարել
Վրաստանում հայտարարվել է Հայաստանի հետ սահման տանող ճանապարհի՝ ավելի քան 2,3 միլիոն դոլար արժողությամբ վերակառուցման մրցույթ, հայտնել է BMG-ն։
Հայաստանի հետ սահմանի ուղղությամբ ճանապարհի հիմնանորոգման համար էլեկտրոնային մրցույթ է հայտարարվել։
Ճանապարհների դեպարտամենտը մրցույթ է հայտարարել Փոնիչալա-Մառնեուլի-Գուգուտի (Հայաստանի սահման) միջազգային ճանապարհի վերականգնման, ինչպես նաև Ցխենիսծղալի գետի վրայով կամրջի (մուտքի ճանապարհներով) մնացած աշխատանքների գնման համար։
Մրցույթը գնահատվում է 6 միլիոն 511 հազար 545 լարի (ավելի քան 2,3 միլիոն ԱՄՆ դոլար):
Առաջարկների մրցույթը կսկսվի այս տարվա ապրիլի 30-ին և կավարտվի մայիսի 5-ին։
Ինչպես նշված է մրցութային փաստաթղթերում՝ հաղթող ընկերությանը կտրվի 14-ամսյա ժամկետ մրցույթով նախատեսված աշխատանքներն ավարտելու համար, որը կհաշվարկվի ավտոճանապարհների վարչությունից գրավոր հանձնարարություն ստանալու օրվանից։
