Ուկրաինայի զինված ուժերը հարձակվել են «Գազպրոմի» օբյեկտի վրա. ՌԴ ՊՆ
Ուկրաինայի զինված ուժերի հարձակման հետևանքով վնասվել է «Գազպրոմ գազաբաշխում Բելգորոդ» ԲԸ-ի ցածր ճնշման բաշխիչ վերգետնյա պողպատե գազատարը։
Այս մասին հայտնում է Ռուսաստանի պաշտպանության նախարարությունը:
Ռազմական գերատեսչության տվյալներով՝ անցած օրվա ընթացքում Ուկրաինայի զինված ուժերը 11 հարձակում են իրականացրել ռուսական էներգետիկ օբյեկտների վրա։
«Ապրիլի 9-ին ուկրաինական ԱԹՍ-ի հարձակման հետևանքով Շեբեկինոյում վնասվել է «Գազպրոմ գազաբաշխում Բելգորոդ» ԲԸ-ի ցածր ճնշման բաշխիչ վերգետնյա պողպատե գազատարը: Ապրիլի 10–ին ուկրաինական ԱԹՍ-ն զինամթերք է նետել «Ռոսսետի ցենտր»-«Բելգորոդէներգո» ՓԲԸ մասնաճյուղի 110 կՎ էլեկտրակայանի վրա», – ասված է հաղորդագրության մեջ:
Բացի այդ, ուկրաինական ԱԹՍ-ի հարձակման պատճառով ԼԺՀ-ում անջատվել է բարձրավոլտ գիծը` առանց էլեկտրամատակարարման թողնելով Ստախանովի ֆերոհամաձուլվածքների գործարանը։
