«Բարսելոնա»-ն 3։0 հաշվով հաղթեց «Օսասունա»-ին
Իսպանիայի առաջնության 27-րդ տուրից հետաձգված խաղում «Բարսելոնան» սեփական հարկի տակ երեք անպատասխան գնդակ ուղարկեց «Օսասունայի» դարպասը (3:0)։
Կատալոնացիների կազմում հանդիպման հաշիվը 11-րդ րոպեին բացեց Ֆերան Տորեսը, իսկ 10 րոպե անց Դանի Օլմոն հստակ իրացրեց 11 մետրանոց հարվածը՝ կրկնապատկելով այն։ Խաղի վերջնական հաշիվը 77-րդ րոպեին գլխի կատարած հարվածով ձևակերպեց Ռոբերտ Լևանդովսկին։ Նշենք, որ սա 8-րդ անընդմեջ հաղթանակն էր Ֆլիկի թիմի համար Լա լիգայում։
Այս խաղից հետո «կապտանռնագույնները» վաստակած միավորների քանակը հասցրին 63-ի և միանձնյա գլխավորեցին մրցաշարային աղյուսակը։ «Օսասունան» 33 միավորով 14-րդն է։
