Էրդողանի խորհրդականը հանդիպել է ԱՄՆ ազգային անվտանգության հարցերով խորհրդականի հետ
Վաշինգտոնում կայացել է Թուրքիայի նախագահի արտաքին քաղաքականության և անվտանգության հարցերով գլխավոր խորհրդական Աքիֆ Չաղաթայ Քըլըչի և ԱՄՆ ազգային անվտանգության հարցերով խորհրդական Մայք Ուոլցի հանդիպումը։ Այս մասին տեղեկացնում է ermenihaber.am-ը։
Թուրքական «Hürriyet » լրատվամիջոցը, հղում անելով իր աղբյուրներին, հայտնում է, որ հանդիպմանը բացի թուրք-ամերիկյան հարաբերություններից քննարկվել են նաև տարածաշրջանային ու գլոբալ բնույթի հարցեր։
Հանդիպման մեկ այլ կարևոր հարցերից է եղել Թուրքիայի նախագահ Ռեջեփ Թայիփ Էրդողանի և ԱՄՆ նախագահ Դոնալդ Թրամփի միջև կայանալիք առաջիկա հանդիպումից առաջ անցկացվելիք խորհրդակցությունը։
Հիշեցնենք, որ մարտի 18-ին Թուրքիայի նախագահը հեռախոսազրույց էր ունեցել ԱՄՆ-ի նախագահի հետ, որի ընթացքում քննարկվել էր Էրդողանի առաջիկա այցը ԱՄՆ։ Նախատեսվում է, որ այն կկայան ապրիլի վերջին։
