Թեհրանի հարավում գտնվող շենքերից մեկում պայթյուն է որոտացել. 7 մարդ վիրավորվել է
Իրանի մայրաքաղաք Թեհրանի հարավում գտնվող շենքերից մեկում պայթյուն է որոտացել, տուժել է յոթ մարդ, վնասվել են մի քանի շենքեր ու մեքենաներ, հայտնում է Mehr-ը՝ հղում անելով Թեհրանի հրշեջ ծառայությանը։
«Շենքը հին էր, եռահարկ, և, ըստ երևույթին, մարդիկ ջրհոր էին փորում դրանում, ինչը հանգեցրեց գազի արտահոսքի, պայթյունի և շենքի ամբողջական ավերմանը», – ասել է Թեհրանի հրշեջ ծառայության ներկայացուցիչ Ջալալ Մալեքին։
Նրա խոսքով՝ այս միջադեպի հետևանքով մոտ 12 շենքերի ապակիներ են կոտրվել, իսկ շենքերը և մի քանի մեքենաներ էապես վնասվել են։ Միջադեպի հետևանքով տուժածների թիվը դեռ ճշտվում է։
