Femen-ի ակտիվիստուհիները այս անգամ մերկացել են Փարիզում՝ ընդդեմ Պուտինի, Թրամփի, Մասկի
Մարտի 8-ին Կանանց միջազգային օրվա կապակցությամբ հայտնի Femen շարժման ակտիվիստուհիները իրենց «համարձակ»՝ մերկ, հերթական ցույցն են կազմակերպել՝ դատապարտելով «ֆաշիզմի վերելքը Եվրոպայում և աշխարհում»: Այս անգամ մերկ ակցիան կազմակերպվել է Ֆրանսիայի մայրաքաղաք Փարիզում։
Բողոքի ակցիան ուղղված է եղել ներկայիս քաղաքական դաշտի բազմաթիվ նշանավոր դեմքերի՝ մասնավորապես ԱՄՆ նախագահ Դոնալդ Թրամփի, Ռուսաստանի նախագահ Վլադիմիր Պուտինի, Իտալիայի վարչապետ Ջորջիա Մելոնիի, Իլոն Մասկի և Մարի Լե Պենի դեմ: Կիսամերկ ակտիվիստուհիներն ակցիայի ժամանակ բացականչել են «հայլ Պուտին», «հայլ Թրամփ», «հայլ Մասկ», «հայլ Մելոնի», «Հայլ Լե Պեն», ցուցադրելով ֆաշիստական ողջույնի ժեստեր։
