Երբեք չեմ զղջացել, որ ընտրել եմ Հայաստանը Ռուսաստանի փոխարեն․ Սպերցյան
«Կրասնոդարի» հայ կիսապաշտպան Էդուարդ Սպերցյանը խոսել է մարզական քաղաքացիության ընտրության մասին։
-Հաճա՞խ եք մտածում, թե հիմա ինչ կլիներ, եթե Հայաստանի փոխարեն ընտրեիք Ռուսաստանի հավաքականը:«Մարդիկ գրում են, որ ես ընտրել եմ Հայաստանը՝ հեշտ ճանապարհը։ Բայց ես ընտրեցի Հայաստանը դեռ 2021 թվականի մարտին, երբ դեռ ոչինչ տեղի չէր ունեցել։ Ես երբեք չեմ խաղացել Ռուսաստանի ոչ մի տարիքային հավաքականում: Երբեք չեմ զղջացել, որ ընտրել եմ Հայաստանը Ռուսաստանի փոխարեն, ու հիմա ես չեմ ափսոսում դրա համար»,- Սպերցյանի խոսքերն է մեջբերում Чемпионат-ը։
