Իրանն ի՞նչ քայլեր կձեռնարկի, եթե խախտվեն իր իսկ սահմանած կարմիր գծերը
Իրանը ի՞նչ քայլեր կձեռնարկի, եթե խախտվեն իր սահմանած կարմիր գծերը Սյունիքում: Այսպիսի հարց հնչեց Իրանի դեսպանի ասուլիսին:
Ի պատասխան՝ ՀՀ-ում Իրանի դեսպան Մեհդի Սոբհանին ասաց, որ Իրանը նախ ջանքեր կգործադրի, որպեսզի նման բան տեղի չունենա:
«Մենք այլ երկրների հետ մեր հարաբերությունների պոտենցիալը կօգտագործենք, որպեսզի պահպանվեն այդ կարմիր գծերը: Այն ամենը, ինչը շաղկապված է մեր ազգային անվտանգությանը և կարող է դրանով վնասվել մեր անվտանգությունը, մենք չենք հանդուրժի:
Այն մասին, թե Իրանն ինչ քայլեր կձեռնարկի, թույլ տվեք հիմա հավանականությունների հիման վրա կարծիք և դիրքորոշում չարտահայտել: Մենք սպառնալիքների չափին համապատասխան կարձագանքենք: Թե ով ինչ կանի, սպասենք, ժամանակը ցույց կտա»,- ընդգծեց դեսպանը:
Մանրամասները՝ տեսանյութում
