Երևանում բախվել են «Mercedes»-ն ու «BMW»-ն
Երեկ՝ փետրվարի 3-ին ավտովթար է տեղի ունեցել Երևանում: Ինչպես հայտնում է Shamshyan.com-ը, ժամը 22:50-ի սահմաներում Հալաբյան և Արզումանյան փողոցների խաչմերուկում՝ դեպի Հրազդանի կիրճ տանող հատված բախվել են Երևանի բնակիչներ 28-ամյա Օրբելի Համբարձումյանի վարած «Mercedes» մակնիշի և 26-ամյա Ռոման Զախարյանի վարած «BMW» մակնիշի ավտոմեքենաները:
Վթարի հետևանքով, ըստ նախնական տեղեկությունների՝ տուժածներ չկան:
Հրշեջ-փրկարարները հոսանքազրկել են ավտոմեքենաները, փակել գազաբալոնների փականներն ու դադարեցրել գազի արտահոսքը:
Վարորդները ենթարկվել են սթափության փորձաքննության, եղել են սթափ:
