Թյուրքալեզու երկրները մտադիր են խորացնել համագործակցությունը
Անկարայում կայանալու է Ադրբեջանի, Թուրքիայի և Ուզբեկստանի արտաքին գործերի, էկոնոմիկայի, առևտրի և տրանսպորտի նախարարների 2-րդ եռակողմ հանդիպումը: Այս մասին տեղեկացնում է ermenihaber.am-ը։
Հանդիպմանը կքննարկվեն տարածաշրջանային համագործակցությանը, արտաքին քաղաքականությանը, տնտեսական հարցերին, ներդրումների ոլորտում համագործակցության աճին և տարածաշրջանային կապուղիներին առնչվող հարցեր։
Հանդիպման արդյունքներով նախատեսվում է ստորագրել հայտարարություն:
Նշվում է, որ Թուրքիայի արտաքին գործերի նախարար Հաքան Ֆիդանը մասնակիցների ուշադրությունը հրավիրելու է թյուրքալեզու երկրների համագործակցության ամրպանդման վրա։
