Համաշխարհային բանկը կանխատեսում է Հայաստանի տնտեսական աճի դանդաղում
Համաշխարհային բանկը Հայաստանի տնտեսական աճի դանդաղում է կանխատեսում 2025 և 2026 թվականներին։
Ըստ զեկույցի՝ 2024 թվականի ցուցանիշը կազմել է 5,5%։ Միևնույն ժամանակ, Համաշխարհային բանկն ակնկալում է, որ 2025 թվականին Հայաստանի տնտեսությոան աճը կկազմի 5%, իսկ 2026 թվականին՝ 4,6%։
Ընդհանուր առմամբ, Հարավային Կովկասում կանխատեսվում է, որ 2025 թվականին տնտեսական աճը կդանդաղի մինչև 3,9%, իսկ 2026 թվականին՝ 3,4%: Ադրբեջանում նավթի արդյունահանման անկում է սպասվում։
Կանխատեսվում է, որ Հայաստանում և Վրաստանում աճը կմոտենա պոտենցիալ տեմպերին, քանի որ նորմալանում են այնպիսի գործոններ, ինչպիսիք են վերաարտահանումը, զբոսաշրջիկների ներհոսքը և աշխատավարձի իրական աճը, որոնք նպաստել են 2024 թվականի աճին:
